Shirkii 17aad ee barayaasha afka hooyo oo......

Barayaasha afafka hooyo ee Iswidhen.

Dadweynaha soomaaliyeed iyo dadyawga kale ee ku nool wadanka Iswidhan waxay fursad qaaliya ay u haystaan in dawladda Iswidhan ay maalgaliso iyo xoogba, sidii dadka soo galaytiga ahi ay afkooga hooyo u baran lahaayeen. Sidaasi darteed ayaa sanadkiiba halmar macallimiinta dhigta afafka hooyo loogu qabtaa shir guud oo loo dhan yahay iyo mid gaara oo intii isku af ahiba gaar u wada shiraan. Waxaana lagaga hadlaa sidii qolo waliba afkooda u horumarin lahaayeen iyo sida ugu fiican ee ardeyda afafkaas dhigata si cilmiyeysan wax loogu bari lahaa.
Shirkan oo sanadkan la qabsoomay 27 iyo 28 oktoobar 2014. Waxaa kasoo qayb galay macalliniin tiradoodu dhantahay 700 oo bare. Barayaashaasi oo ku kala hadlayey 35 af oo kala duwan.
130 kamida barayaashaasi waxay ahaayeen soomaali. 
Waxaa haddaba maanta si fiican oo farxadleh noogu dhamaaday shirkii 17aad ee barayaasha afka hooyo.Taasi macneheedu wuxuu yahay in shirkani la qabtay 17 kii sanadood ee ugu dambeeyay. Maashaa allaah waa mid aad loogu farxo.
Haddaba shirkani waxaa lagaga hadlaa  sidii afka hooyo loo horumarin lahaa, waaya'aragnimada macallimiinta laysku weydaarsanlahaa iyo qalabka waxbarasho iwm.

Mohammed A.