Sidee ayaad quraanka ku dhamayn kartaa bisha ramadaan?
Kitaabka quraanka kariimka ahi waxa uu ka koobanyahay inta badan lix boqol oo bog (600 bog). lix boqol haddii loo qaybiyo soddon maalmood waa labaatan bog maalintii (600/30= 20). Laakiin labaatan bog wey adagtahay inaad isleedahay ayaa laga yaabaa. Haddii aad u qaybisid shanta salaadood waxay noqonaysaa afar bog salaad kasta inta lagu jiro bisha ramadaanta gudeheeda. waxaad sidaa ku dhamayn kartaa quraanka kariimka ah hal mar.
Laakiin haddii aad u baahantahay/rabtid inaad laba mar/jeer aad dhamaysid quraanka, waxaad akhrisaa afar bog salaad kasta ka hor iyo afar bog salaad kasta ka dib. Sidaasna waxaad ku dhamayn kartaa labo mar quraanka kariimka ah. Ilaahay ha ina karsiiyo dhamaanteenba….
